To innartiarar i full sal
Torsdag 8. mai arrangerte SeniorHelsa i samarbeid med Pensjonistforbundet Radøy, Eldrerådet i Alver og Alver kommune Temakveld på Manger.
Kinosalen på Manger var fullsett (ca. 140 personar) møtte for å høyra på Gro Gujord Tangen som snakka om – «Hvordan forebygge skrøpelighet og muskel- og skjelettplager» og Trond Haukedal – «Jakten på den indre motivasjon».
Etter arrangementet strøymde det med positive kommentarar om framføringa og innhaldet på foredraga. Nemner kort ein del av utsagna:
Ninni og Asbjørn Langeland: «Dette var midt i blinken!»
Ragna M. oppsummerte det slik: «Folk var svært nøgde med innhaldet, som var både informativt, nyttig, morsomt og oppmuntrande. »
Irene F. siterte frå deltakarar om det faglege innhaldet: «Nyttig å høyra. Kvelden starta med å gje oss meir kunnskap om kor viktig det er at vi brukar kroppen vår. Ifølge Gro G. Tangen er jo kroppen slik laga at han fungerer best når han vert brukt. Trening er og sosialt, og alle treng sosial kontakt.»
Psykolog Trond Haukedal fekk oss alle til å skratta då han snakka om motivasjon. Vi fekk klart for oss kor viktige ord er, og at mange positivt lada ord, kan ha ein negativ motsats. Han la vekt på korleis vi snakkar til oss sjølve, og meinte at alle burde starta dagen med ei positiv helsing til seg sjølv.
Kveldens foredragholdere.
Til Audun S. vart følgjande sagt:
«Svært interessante foredrag, både med alvor og skjemt». «Veldig viktig med trim for å forebyggja skrøpelegheit.»
Dette var første gang SeniorHelsa arrangerte temamøte utanfor Knarvik, som vart ein stor suksess på Manger.SeniorHelsa vil takka Jostein Dale, leiar i Pensjonistforbundet Radøy og leiar i Eldrerådet i Alver, for god hjelp i gjennomføringa av arrangementet.
Takk og til alle som bidrog til ein vellukka kveld, bl.a. Steinar Mørch for god møteleiing.
Til slutt ei påminning om det store arrangementet SeniorHelsa skal ha 25. juni 2025. Takk for frammøte!
Helsing Styret i SeniorHelsa
